Først

Sentralt på denne innspelinga står komposisjonane til Dag-Filip Roaldsnes og musikarens fridom til å tolke og uttrykke seg i møte med desse komposisjonane. Eit samspel mellom det komponerte, det improviserte og det reflekterte. Klangflater, dans , poesi, melankoli; musikk som sjølvportrett, musikk som handverk, kunstverket som ide og framsyning. Ensemblet arbeider med å forme improvisasjonar saman. Kollektivt samspel er alltid utgangspunkt for ensemblet. Dei skapar i eit no, alt skjer uhyre raskt. Impulsar, interaksjon, så variasjon og refleksjon. Å evne dette er komplekst og virtuost.